تعديل الشهادة (الجامعية - معهد - الثانوية - مهنية) السورية في المانيا - I-Electrician
تعديل الشهادة (الجامعية - معهد - الثانوية - مهنية) السورية في المانيا

تعديل الشهادة (الجامعية - معهد - الثانوية - مهنية) السورية في المانيا

شارك المقال

اولاً تعديل الشهادات الجامعية :
هناك مهن منظمة ومهن غير منظمة
المهن المنظمة هي مهن يجب ان تعدل مباشرتا اوتضاف عليها اما مواد او كورسات او تدريب مثل "الطب، الصيدلة، الحقوق، الحلاق"
المهمن الغير المنظمة هي المهن التي يحق لصاحبها العمل مباشرة في السوق الماني.
موضوعنا لا يشمل " الطبيب , الصيدلي , المحامي , الحلاق" في المانيا لانها من المهن المنظمة وهذه المهن يجب ان تنظم من قبل الحكومة المانية يعني هناك شي خاص ما رح احكي عنه هون.
المهن الغير منظمة التي يحق لصاحبها العمل مباشرتاً
التعديل نوعان مقارنة مستوى الشهادة التي تحملها بما يعادلها من الشهادة المانية
اعتراف يعني اعتراف بك بحسب تخصصك اما مهندس او.....
الاوراق المطلوبة
  • مصدقة التخرج مترجمة ومصدقة
  • مصدقة البكلوريا كذالك مترجمة و مصدق بيان (كشف) علامات لمجموع السنوات الجامعية "وهذا معفى منه السوري بسبب وضع بلده ولكن الافضل اذا كان موجوداً"
هون بتاخد هي النسخ على البلدية في مدينة تبعك او الكنيسة او شركة التامين الصحي اللي انت مشترك فيها ولكن الافضل البلدية وبتطلب منهم ختم للتعديل وهون بتصوروهم وبتختم الصورة, طبعا الصورة المختومة هي يلي رح ترسلها للتعديل والاصلية بتضل معك.
الخطوطة التالية من الرابط التالي بتعبي الاستمارة و بتحط ايميل شغال 100 % حتى بس تخلص من ملئ استمارة بتستلم ايميل فيه ملف ورقم التسجيل بتقوم بملئ الملف و فيه مكان لوضع رقم التسجيل يلي استقبلته على ايميلك بعدها بتطبع استمارة و بتوقعها و بتصور جوازك السفر ( الافضل كمان تصدق صورة جواز سفرك والهوية من البلدية )
الخطوة الاخيرة بترسل صور شهاداتك المصدقة وكشف العلامات المصدق مع الاستمارة وصورة جواز سفرك وهويتك والسيرة الذاتيه الى العنوان التالي:

ZAB Sekretariat der Kultusministerkonferenz
Graurheindorfer Str. 157
53117 Bonn
Telefon: +49 (0) 228 501-0
Telefax: +49 (0) 228 501-777
وهي منظمة مسؤلة عن تعديل الشهادات الاجنبية ومقرها مدينة بون.
ملاحظة: ممنوع تروح لعندهم لازم ترسل البوست بالبريد حصراً على العنوان السابق فقط.
وبعد يومين او اكتر بيرسلولك بوست بخبروك انهم بدهم 200€ اجور التعديل, اما بتحولهم على حساب البنك المرفق بالبوست او بتعطيه للجوب سنتر وهو بيرسلهم المبلغ وبس يتم تحويل بيجيك ايميل انهم قبضوا ال200 € و انتظر من شهر الى 3 اشهر.
بعدها بتستلم بيان مقارنة منهم وهذا البيان ليس تعديل او اعتراف بشهادتك
هذا البيان بساعدك على توضيح مستواك العلمي في المانيا يعني فقط حتى تفهم الشركة انت شو دارس وعدد سنوات دراستك وليس إعتراف او تعديل.

هون انت بدك القب الماني او الاعتراف بشهادك بترسل نفس الاوراق يلي ارسلتها الى ZAB مع بيان المقارنة يلي استلمته الى مديرية التربية والتعليم BRD وهي بتكون موجودة ب عاصمة الولاية اللي انت فيها مثلا ولاية شمال الراين مقر المديرية دسلدورف و هذا موقعها
بترسلهم بوست فيه الاوراق الذكرتها مع بيان المقارنة و بعد شهر او اكثر بتستلم بوست فيه اعتراف انك انت مهندس بالمستوى الماني.
العنوان في دوسلدورف 

Am Bonneshof 35
40474 Düsseldorf
Telefon: +49 (0) 211 475-3158
ملاحظة: اذا انت شاغل بشهادتك ارفق شهادات الخبرة يلي حصلت عليها من شركات مترجمة لان القب مهندس يجب ان يكون ذو خبرة واحيانا بتغاضوا عن هل شي لكن لتضمن الاعتراف و القب الافضل ان تكون ذو خبرة.
وهون منكون انتهينا من موضوع تعديل شهادات الجامعة.
اذا حدا عندو تجربة أخرى يرجى اضافتها اسفل بالتعلقيات لتعم الفائدة

ثانيا شهادة المعهد او الثانوية (بكلوريا) :ارسل الاوراق التي ذكرتها اعلاه فقط على نفس مديرية التربية والتعليم BRD ومتل ما ذكرت مقرها عاصمة الولاية تبعك وهم بعدلوها الك.
ثالثا تعديل الشهادة المهنية او الحاصل على مهنة :
تعديل المهنة او Ausbildung في منظمة اسمها IHK و هي المنظمة مسؤلة عن اعتراف بالمهن خريج معهد او مهنة حرة.
مثال: انت مكانيكي او كهربجي و شاغل 7 سنوات وعندك خبرة كبيرة بس مالك دارس بسوريا
هي المهنة من المهن المنظمة و فيك تشتغل فيها مباشر لكن بعد ان تحصل على شهادة Ausbildung فرصك اقوى للعمل وراتبك اعلى كمان
هون بتقوم بزيارة موقع المنظمة هي وطبعا فيك تعرف اقرب عنوان الك عن طريق الرابط التالي بس حط كود مدينتك و بطلع لك عنوان المكتب و رقم و ايميل المسؤل راسله و خذ منه موعد وهوا بفهمك التالي
انت معك شهادات خبرة انك شاغل 6 سنوات بالمكانيك؟ ترجمون و ختمون من البلدية و خدهم معك. هون برسل لك اوراقك وبعد 3 اشهر ممكن الرد يكون انوا انت لازم تعمل امتحان اوسبولدونغ وبعدها بتاخد الشهادة و ممكن يقلك انت لازم تعمل براكتيكوم 3 اشهر و بعدها تاخد الشهادة و ممكن اذا معك اوراق كتير مثلا: شهادات كورسات عاملة , شهادات خبرة هون بسلموك الشهادة مباشرتاً.
مواضيع ذات صلة:
تعديل الشهادة المدرسية (التاسع, صفوف انتقالي) السورية في المانيا
لحساب المعدل حسب الطريقة الالمانية
بالتوفيق للجميع

هناك 91 تعليقًا:

  1. لك انت دواء شكرا جزيلا ع المعلومات المفيدة والله يعطيك الف عافية

    ردحذف
  2. السلام عليكم
    يعطيك العافية على الشرح بس ياريت لو فيك توضح شو هي البطاقة الزرقاء بالاستمارة
    وشكرا

    ردحذف
    الردود
    1. وعليكم السلام
      اخي لا يوجد بطاقه زرقاء بالاستمارة ممكن ترسلي الورقة اللي عندك

      حذف
    2. السلام عليكم
      اخي رابط الاستماره مافتح مابعرف ليش
      كيف اقدر احصل عليها؟

      حذف
  3. مرحبا اخي انا مهندس زراعي انا ارسلت اوراقي كلهم بدون ترجمة طبعا هن طلبوا بدون ترجمة واجت موافقة بعد 3 اشهر مكتوب فيك تشتغل وتكمل دراسة ماجستير بس ماذاكرين اني اخد موافقة من مقاطعة لانا فيها. ياريت عندك معلومة عن اعتراف مقاطعة تورينغن او عنوان

    ردحذف
    الردود
    1. اخي انا من مقاطعه شمال الراين
      عندما ارسلولي الموافقه على الاعتراف هي عباره عن ورقتين الاولى مكتوب فيها تخصصي ودراستي وكم سنه دارس واسم جامعتي ثم باخير مكتوب ان شهادتي تعال بكلوريوس في المانيا في الجامعات التطبيقيه
      والورقه الثانيه هي تعريف بتخصصي والمواد اللي انا دارسها وبجامعتي
      ولكن لم تكتبوا انو اكمل ماستر او يحق لي العمل
      هي تقريبا شهاده بديله عن شهاده السوريه
      انا ارسلتها على مكتب وزاره التربيه وتعليم في مدينه بون لا اعلم في مقاطعتك

      حذف
  4. شكرا ع المعلومة بس فيك تقلي اوراق مطلوبة لبدي ابعتها الى وزارة التعليم بالمقاطعة تكون مع ترجمة او بدون ترجمة مع العلم اوراق لارسلتها zab كان بدون ترجمة

    ردحذف
    الردود
    1. اخي الكريم الافضل ترسلها مترجمه ومصدقة من البلدية من مدينتك ولكن يمكن ان تكون هناك بعض الحالات التي تم قبول اوراق غير مترجمه ولكنها نادرة جدا وبالنسبة لي لا اعرف اي شخص تم قبول اوراقه بدون ترجمه
      عفوا اخي

      حذف
  5. أخي الله يعطيك العافية
    بالنسبة لشهادة البكالوريا التجاري و المعهد المتوسط التجاري كيف بتم تعديلون وهل ياترى بقدر ادخل دوال شتوديوم او جامعة بعد التعديل ياريت توضح اكتر بالنسبة للمهني
    وشكرا جزيلا

    ردحذف
    الردود
    1. اخي بالنسبة لمركز وزارة التربية لا يعدل الا الشهادات التي دراستها فوق اربع سنوات اما المعاهد والبكلوريا التجاري والصناعي وحتى البكلوريا العامه لا يتم معادلتها في مدينه بون وانما في مدينه دوسلدورف
      العنوان هو
      Am Bonneshof 35
      40474 Düsseldorf
      بامكانك اتصال فيهم وبتعرف بقيه التفاصيل
      اما من ناحيه استكمال دراستك في الجامعه فحسب الجامعه فبعض الجامعات تقبل وبعض لا وحسب طبيعة الاختصال اللي بدك تدخله وعمرك بس اكيد رح يدخلوك بكلوريوس ويعادلولك بعض المواد وليس ماستر
      بالتوفيق

      حذف
    2. أخي الكريم انا معهد متوسط تجاري وساكن براين لاند فاس تابعين لماينز كمان لازم ابعت الشهادة على دوسلدورف؟

      حذف
  6. اخي الكريم شهادة الفنون الجميلة و كلية التربية بحاجة لتعديل .. ع علمي يوجد بعض الكليات لا تحتاج لتعديل متل الفنون ... و نحتاج شهادة البكالوريا عند التعديل ... مشكور سلفا

    ردحذف
  7. اخي الكريم بالنسبة للشهادة الفنون الجميلة اذا كانت الدراسة فيها اقل من اربع سنوات فلا تحتاج تعديل وانما فقط ورقة اعتراف من دورسلدورف اما اذا كانت دراسة فيها اربع سنوات او اكثر فتحتاج ارسالها الى بون وتعديلها واما المهن التي لا تحتاج تعديل انا كتبتها في المنشور في الاعلى..
    طبعا هاد حسب علمي ومعرفتي من اصدقائي واذا عندك اي معلومة تفيدني فيها ف لك الشكر حتى انشرها ويستفيد غيرنا منها

    ردحذف
    الردود
    1. اخي الكريم انا مدرسه خريطه إعداد مدرسين قسم العمل اليدوي عامين ومعي خبره ٨ سنوات من مديريه التربيه السوريه وانا مابعرف لوين ويدهن انا بهيسن والبكلوريا عندي فنون جميله

      حذف
    2. السلام عليكم اخي انا مدرسه ومعي إعداد المدرسين عمل يدوي ومعي بكالوريا فنون نسوية ومعي خبره بالتدريس ٨ سنوات وين لازم وديهن علما انا بهيسن

      حذف
  8. اخي بالنسبة لتعديل شهادة الجامعه ضروري تكون شهادة البكلوريا موجودة اذا الشهادة الجامعية ودفتر العلامات موجوديين .

    ردحذف
    الردود
    1. اخي المطلوب هو اخر شهادتين انت حاصل عليهم
      فاذا بدك تعدل شهاده بكلوريوس لازم ترسل البكلوريا اما اذا بدك تعدل شهاده الماستر فلا داعي لشهاده البكلوريا

      حذف
  9. الله يعطيك العافيه اخي ع والمعلومات بس سؤال : بالنسبة لشهادة معهد متوسط هندسي (مساعد مهندس ) دراسة سنتين في سورية
    اين تتم معادلة شهادة والف شكر الك

    ردحذف
  10. الله يعطيك العافيه اخي
    بالنسبة لشهادة معهد متوسط هندسي (مساعد مهندس مدني) شهادة بكالوريا علمية اين تتم معادلة هذه شهادة
    الف شكر

    ردحذف
    الردود
    1. اهلين اخي
      بالنسبة لشاهده المعهد بتساوي التعديل بدوسلدورف متل العنوان المكتوب بالاعلى او ب IHK بمدينتك

      حذف
  11. اخي الكريم الرابط التالي ما وصلني ل شيء ممكن تكتبلنا الرابط وشكرا

    ردحذف
  12. مرحبا اخي كامل شكرا كتير عالمعلومات المهمة ... انا معي شهادة ماجستير في ادارة الاعمال من المعهد العالي لادارة الاعمال بدمشق وبعتت الاوراق على مكتب بون وبعتولي بيان المقارنة وقالولي الشهادة بتعادل شهادة الماستر بنفس الاختصاص في المانيا .. السؤال انو اذا بدي ادور على شغل مثلا لازم احصل اولا عالاعتراف يعني لازم ابعت الاوراق على مديرية التربية والتعليم او هيك بيكفي ..شكرا سلفا

    ردحذف
  13. مرحبا اخي كامل شكرا كتير عالمعلومات المهمة .. لو سمحت عندي سؤال
    انا معي شهادة ماجستير في ادارة الاعمال من المعهد العالي لادارة الاعمال بدمشق وبعتت اوراقي على مكتب بون وبعتولي بيان المقارنة قالولي الشهاد تعادل الشهادة الالمانية بنفس الاختصاص ,, اذا بدي ادور على شغل لازم ابعت الاوراق بالاول على مكتب التربية والتعليم او هيك بيكفي .؟شكرا كتير سلفا

    ردحذف
    الردود
    1. اهلين اخي
      في البدايه اللي انت ساويته بيكفي انو تعرف الشركات بشهادتك وبيكفي اذا نويت تكمل دراستك في اي جامعه
      اما مكتب التربيه في عاصمه المقاطعه بيفيدك اكتر في الشغل انو تاخد اسم لمهنتك
      مثلا انا اخدت من مكتب وزارة الثقافه وتعليم في بون اعتراف انو عندي شهاده بكلوريوس في الهندسه ولكن عند اخدت الاعتراف من مديرية التربية في عاصمه المقاطه اخدت شهادة اني مهندس
      اي تم الاعتراف بمهنتي وهي الشهاده بتفيد فقط في العمل وليس الدراسه
      بشكل مختصر في بون تعطيك شهاده تماثل شهاده الجامعيه في سوريا ولكن في مديرية التربيه تعطيك شهاده مهنه
      بالتوفيق اخي

      حذف
  14. نصرالدين بدوي24 سبتمبر 2017 في 6:42 ص

    انا عندي دبلوم هندسة ميكانيكا 3 سنوات قسم التبريد والتكييف من جامعة ومعي شهادة البكلوريا وانا بدرس الماني بدي أعدل شهادة الدبلوم عشان ادرس الباشلور هل بعد لا لي الدبلوم وفي أي مكان يعدل انا خارج المانيا

    ردحذف
  15. نصرالدين بدوي24 سبتمبر 2017 في 6:43 ص

    انا عندي دبلوم هندسة ميكانيكا 3 سنوات قسم التبريد والتكييف من جامعة ومعي شهادة البكلوريا وانا بدرس الماني بدي أعدل شهادة الدبلوم عشان ادرس الباشلور هل بعد لا لي الدبلوم وفي أي مكان يعدل انا خارج المانيا

    ردحذف
    الردود
    1. اخي اذا كنت خارج المانيا فالافضل تسال السفاره الالمانيه او ترسلهم لصديق الك في المانيا وهو يعدلهم ولكن لا اعرف تفاصيل اكثر عن المكان والتكلفه

      حذف
  16. مرحبا اخي كامل شكراً جزيلاً على المعلومات الي شاركتنا فيهاو انا الصراحة دورة كتير موضوع تصديق الشهادة الثانوية الصناعية في المانيا وبعتت اوراقي عشان التصديق في المانيا في كوستانسبس بعتولي بالرفض على شان انها شهادة غير معترف بها في المانيا والصراحة ما لقيت لحد الان ايا شي يفيدني فاذا بتحسن اتفيدني بكون مشكور الك

    ردحذف
  17. السلام عليكم اخي كامل
    اخي انا معاي شهادة ثانوية صناعية سورية واردة تعديلها في المانيا بس للاسف ما قبلوا بالتعديل هل يمكن من خلال هذة المنظمة تعديل الشهادة
    وشكراُ جزيلاً

    ردحذف
    الردود
    1. وعليكم السلام اخي
      بالنسبه للشهادات الثانويه الصناعية حسب معرفتي يتم تعديلها في ihk طبعا مع سيره ذاتيه واذا عندك شهادات خبره بكون ممتاز وبتقدملهم ياه وهنن بعد فتره بيرسلولك موعد مقابله او متل فحص صغير ليختبروا فيو معلوماتك وبعدها بيحددوا اما بيعطوك شهاده اوسبلدونغ او بيطلبو منك دارسه عندهم لمده تتراوح بين تلات اشهر الى تلات سنوات
      طبعا هاد حسب معرفتي وبكل مقاطعه هناك قوانين تختلف عن الاخرى

      حذف
  18. شكرا على هذا المعلومات القيمة
    اخي انا عندي شهاده معهد تكنيكي (معاون صيدلاني )
    و عندي شهادات خبره 4 سنوات اشتغلت بصيدليه المستشفى و 5 سنوات اشتغلت بصيدليه اهليه
    شنو توقعاتك ؟ يعني كم مدة راح ادرس حتى ينطوني اوسبيلدونك الماني؟
    ارجو الرد مع فائق احترامي

    ردحذف
  19. شكرا على على هذا المعلومات القيمة
    اخي انا درست معهد تكنيكي قسم الصيدلة في العراق (معاون صيدلاني )
    معي شهاده و شهادة الخبره 4 سنوات اشتغلت بصيدليه المستشفى و 5 سنوات اشتغلت بصيدليه اهليه
    شنو توقعاتك
    يعني كم مدة راح ادرس حتى ينطوني اوسبيلدونك الماني
    انا ب شمال الراين مدينة ايسن
    ارجو الرد مع فائق احترامي

    ردحذف
    الردود
    1. اهلين اخي
      حسب الشهادات الخبره وهنن رح يساوا معك مقابله يمكن ب ihk وحسب شهادات الخبره وحسب مقابله
      وان شاء الله حسب خبرتك يمكن يعطوك مباشر شهاده اوسبلدونغ او يمكن فقط تلات اشهر

      حذف
    2. انشالله
      شكرا كثير

      حذف
  20. يعطيك العافية اخي ارجو الاجابة
    انا دارس بكلوريا تقنيات حاسوب وبعدها سنتين معهد ومتخرج معدلي 91.47% وحابب ادرس جامعة بالمانيا .... انت بمعرفتك و خبرتك بيسمحولي و لا لا و كيف قدم علجامعة عن طريق شهادة البكلوريا ام شهادة المعهد ...

    ردحذف
    الردود
    1. الله يعافيك اخي
      انت بامكانك تقدم عن طريق يوني اسسيت او بشكل مباشر في كل جامعه وارسل شهاده البكلوريا وشهاده المعهد مشان يحذفولك او يعادلولك بعض المواد اذا كان بنفس التخصص
      يمكن تلاقي بعض الصعوبات ولكن خليك مصمم ولا تيأس

      حذف
  21. السلام عليكم اخي
    عندي مشكلة بخصوص طلب الاستمارة . انا عبيت الاستمارة حسب الرابط المحطوط و بعتتها و اجاني ايميل في رقم تسجيل بس المشكلة ماعرفت وين بدي اطلب الملف و عبي و حط رقم التسجيل و اطبعو يعني الايميل يلي اجاني فيو كلام ورابط فقط بدون ملف pdf ارجو حل هده المشكلة و شكرا

    ردحذف
  22. السلام عليكم اخي شو هو رابط الموقع الي لازم ادخل عليه واملي الاستمارة لانه مو موجود بشرحك ولك جزيل الشكر

    ردحذف
  23. اخي لو سمحت بس تكتب الرابط حتى نملي الاستمارة لتعديل شهادة الهندسة

    ردحذف
  24. مرحبا اخي انا معي شهادة معهد متوسط ميكانيك سنتين بدي عدل الشهادة بألمانيا وكل لوراق جاهزة بس مافي معي ورقة خبرة انا ساكن بمقاطعة براندينبورغ وبدي ابعث لوراق تبعي بس مابعرف العنوان ممكن تساعدني بالعنوان إلى لازم ابعث لوراق علي انا بعرف انو اما بكولن أو مونستر وشكرا الك

    ردحذف
  25. السلام عليكم اخي انا معي شهادة معهد تجاري و كشف علامات اني درست سنة تالتة اقتصاد قسم مصارف ممكن ادرس جامعة أو اوسبيلدونغ اذا ما معي شهادة البكالوريا؟

    ردحذف
    الردود
    1. وعليكم السلام اخي
      اخي انت طالما مامعك شهاده جامعيه معناته لازم تسجل بالجامعه ك طالب مستجد ثم تقدم كشف علامات وهنن بيعادلولك مواد
      حتى تقدم ع يوني اسست او اي جامعه اكيد لازم يكون معك شهاده بكلوريا
      فهي ضروريه لانو هي اخر شهاده انت تملكها واذا مامعك فمافي اي اثبات انو انت دارس بكلوريا

      حذف
  26. السلام عليكم انا دارس معهد تجاري وتلت سنين اقتصاد معي شهادة المعهد و كشف علامات بالسنوات اللي درستها بالاقتصاد بس ما معي شهادة البكالوريا فيني كمل جامعة أو اوسبيلدونغ بنفس اختصاصي

    ردحذف
  27. شكرا أخ كامل , بدي أسأل لوسمحت : أنا عملت مقارنة ومثل ماكتبت حضرتك أعطوني ( لقب ) مهندس . السؤال هو إذا بدي أدرس ماستر مابتكفي هس المقارنة للتقدم للأوني - أسيست ولا بدي حصراً تعديل . على فكرة أنا زميلك خريج جامعة حلب هندسة إلكترونية

    ردحذف
    الردود
    1. ليوني اسست موضروري التعديل لانو هنن بيساوي تعديل خاص فيهم وحتى بيرسلولك معدلك حسب الطريقه المانيه
      بس اذا بدك تقدم ع جامعات بشكل مباشر يمكن يطلبوا منك التعديل لانو جامعات مابتساوي تعديل
      وميه السلامه اخوي

      حذف
  28. السلام عليكم شكرا جزيلا على المعلمومات انا معي بكالوريوس علوم حاسبات ودارسة اربعة سنوات عندي شهادة تخرج فيها سنة التخرج ومن اي جامعة والمجموع وكمان العلامات لكل المواد لاربعة سنوات مترجمة للالمانية لكن ما معي شهادة البكالوريا يقبلو التعديل ام لا شكرا

    ردحذف
  29. مرحبا انا معي بكالوريوس علوم حاسبات اربع سنوات لدي شهادة تخرج فيها مكتوب المعدل والسنة واسم الجامعة وكذالك علامات كل المواد لاربع سنوات مترجمة للالمانية لكن ما معي شهادة بكالوريا هل تتم معادلة شهادتي شكرا

    ردحذف
  30. الله يعطيك العافية على الشرح لكن عندي سوال
    انا مشتعجل على الاعتراف منشان الاوسبيلدونغ يا هالترى بقدر اكتب شي ورقة استعجال لشهادة البكلوريا و مشكور سلفا

    ردحذف
    الردود
    1. اهلين اخي
      اي بامكانك تكتبلهم رساله بالايميل مشان شهاده بكلوريا بس مارح يستعجلولك بالتعديل ولكن رح يقولولك خلي شركه اوسبلدونغ تتواصل معهم وهنن بيخبروهم نتيجه التعديل
      الله يعافيك اخي

      حذف
  31. يعطيك العافية أخي ... ومشكور عالمعلومات .. بس سؤال لما باخد وراقي عالبلدية منشان ختم التعديل .. بصور الأوراق بالأول وبعدين بيحطولي عليها ختم التعديل وعالاصلية وببعت الصورة .. أو بالأول منحط الختم عالنسخ الأصلية وبعدين بصورهن وبعدها بطلب ختم تعديل مرة تانية للصورة اللي صار عليها ختم تعديل بالأسود ؟؟!!

    ردحذف
    الردود
    1. ختم التصديق من بلديه على النسخ المصوره
      اما ورقه التعديل او الاوراق مترجمه فهي تعتبر متل الشهاده اصليه اي ختم او خط او تحوير عليها فتعتبر مزوره
      والله يعافيك

      حذف
  32. السلام عليكم اخي الكريم.... انا دارس معهد الكترون... وحاليا ناطر جواب التعديل....اذا في مجال بخبرتك ... مجال هل الاختصاص بختلف عن سوريا...سمعت هون في مجالات مختلف لهل الاختصاص....متل اجهزة طبية...كامرات حمايه...و صيانة اجهزة الحواسيب... ياترا هل الكلام صحيح لانو انا حابب فوت صيانة حاسوب ... لانو انادرسة بسوريا تعليم مفتوح هندسة معلوماتيه ووصلت للسنة الرابعة وضل عندي السنة الخامسة وللاسف ماتخرجت ولا جبت كشف علامات. معي حاليا شهادة البكالوريا الالكترون ومعهد الكترون.... ومشكور سلف

    ردحذف
    الردود
    1. وعليكم السلام اخي
      اولا انصحك انو تجيب كشف علامات باي طريق لانو بتختصر ع حالك كتيير مواد وبتكمل هندسه معلوماتيه
      او في عندك احتمال تاني اذا مجموعك بالبكلوريا اكتر من ٧٠٪؜ بامكانك تفاضل مباشر ع جامعات بدون ماتنتظر تعديل
      او تستنى تعديل من IHK اللي بيطوووول كتيييير يمكن اكتر من سنه حسب ماسمعت من كتيير من شباب وبعدها تشوف شو رح تدرس
      اما من ناحيه فروحه الالكترون فبتختلف من جامعه لجامعه ومن مركز تدريب لاخر لذلك بدك تسال بمدينتك او مدن اللي بمقاطعتك شو متوفر
      بالتوفيق اخوي

      حذف
    2. مشكور اخي الكريم بكل الاحوال.... بس انا مالي حابب اكمل جامعه...سمعت شهادة المعهد عم توازي الاوسبيلدونغ وبعدها بعمل براكتكوم او فايتر بيلدونغ...سؤال عن اختصاصات شهادة الالكترون في المانيا

      حذف
    3. اهلين اخي
      شهاده الكترون في الها اكتر من اختصاص حسب مدينه اللي انت فيها
      انصحك تسال IHK عندك بالمدينه عن اختصاصات وتعديل شهادتك

      حذف
  33. اخي الكريم شو بالنسبة لشهادة التمريض (وزارة الصحة)
    على اي عنوان_؟
    شكرا

    ردحذف
  34. بداية شكرا على المعلومات القيمة وعلى وقتك معنا, صديقي انا عندي تساؤل بخصوص تعديل الشهادة للاطباء (اطباء الاسنان السوريين بشكل خاص) سمعت انو الية التعديل مختلفة لهم, لو سمحت تفيدنا بمعلومات اذا بتقدر و سؤال تاني التعديل بحال الاقامة ببلد اوربي تاني غير المانيا ممكن تقديم الطلب بهالحالة؟

    ردحذف
  35. السلام عليكم
    أنا حاصل على درجة الماجستير في اللغة العربية من جامعة دمشق وعلى دبلوم تأهيل تربوي، وعملت في سورية كمحاضر، لكن لا أملك كشف علامات، فهل أستطيع معادلة شهاداتي؟
    الشكر الموصول لك

    ردحذف
    الردود
    1. وعليكم السلام اخي
      اخي انت ارسل اوراقك وارسل معهم شهاده الخبره من عملك ك محاضر وهي ضروريه اذا موجوده عندك واذا بتقدر تجيب كشف علامات بيكون افضل واذا لم تقدر ارسل كافه المستندات بدون كشف علامات
      عند هنن بيرسلولك طلب انو لازم تجيب كشف علامات فارسل لهم بيان انو صعب بسبب الحرب في سوريا
      وفي اغلب الحالات يتم مراعاة ظروف الاشخاص من البلدان اللي فيها حرب
      وعذرا للتاخر في الرد ولكن كنت مشغول في الفتره الماضيه

      حذف
  36. السلام عليكم
    أنا حاصل على درجة الماجستير في اللغة العربية من جامعة دمشق وعلى دبلوم تأهيل تربوي، كما عملت كمحاضر، ولكن لا أملك كشف علامات، فهل أستطيع معادلة شهاداتي؟
    الشكر موصول لك

    ردحذف
  37. السلام عليكم
    أنا حاصل على درجة الماجستير في اللغة العربية من جامعة دمشق وعلى دبلوم تأهيل تربوي، كما عملت كمحاضر، ولكن لا أملك كشف علامات، فهل أستطيع معادلة شهاداتي؟
    الشكر موصول لك

    ردحذف
  38. السلام عليكم
    أنا حاصل على درجة الماجستير في اللغة العربية من جامعة دمشق وعلى دبلوم تأهيل تربوي، كما عملت كمحاضر، ولكن لا أملك كشف علامات، فهل أستطيع معادلة شهاداتي؟
    الشكر موصول لك

    ردحذف
  39. السلام عليكم
    أنا حاصل على درجة الماجستير في اللغة العربية من جامعة دمشق وعلى دبلوم تأهيل تربوي، كما عملت كمحاضر، ولكن لا أملك كشف علامات، فهل أستطيع معادلة شهاداتي؟
    الشكر موصول لك

    ردحذف
  40. السلام عليكم اخي انا عندي شهادة معهد متوسط صناعي وكشف علامات من الجامعة يعادلولي ياهم ولا ضرورية شهادة البكلوريا لان ماعندي ياها

    ردحذف
  41. السلام عليكم اخي انا عندي شهادة المعهد متوسط صناعي وعندي كشف علامات من كلية الهندسة لان انا تابعت دراستي بالكلية بس ما كفيت دراستي بيعادلولي ياها ولا بدي شهادة البكلوريا ضروري لان مامعي هيا

    ردحذف
  42. السلام عليكم اخي انا معي شهادة معهد متوسط صناعي ومعي كشف علامات من الكلية لان تابعت دراستي بالجامعة بس ما كملت بيعادلولي ياها ولا ضروري شهادة البكلوريا لان مامعي ياها

    ردحذف
  43. السلام عليكم اخي
    اخي انا مهندس زراعي وبعتت اوراقي لبون واليوم اجاني الرد
    اني استطيع اكمال دراسة الماجستير وااالعمل باختصاصي
    اخي بس مش عارف ابعت طلب لمديرية التربيه لاخذ لقب مهندس
    وبحثت كتير على النت ماعرفت العنوان وماحد بمدينتي عمل هيك شي
    ياريت لو فيك تخدمني وتخبرني شو لازم اعمل لارسال الطلب
    والطلب يحتاج مصاريف ولا مجاني
    انا ساكن في ولاية هيسن مقاطعة دارمشتات
    ودمت بخير اخي

    ردحذف
    الردود
    1. وعليكم السلام اخي
      بالنسبه للقب المهندس بيلزمك اذا بدك تشتغل لانو بينما انت عم تشتغل عامل بمهاره مهندس او عم تشتغل ك مهندس
      واذا مامعك لقب مابامكانك تقول عن نفسك مهندس
      بالنسبه لموقع ماعندي خبره بس بامكانك تبحث بانترنت ع اسم مقاطعتك وزاره التربيه
      وشكرا لتعليقك

      حذف
  44. جزيل الشكر لحضرتكم على هذه المعلومات
    لدي مشكله ارغب في طرحها عليك لانك صاحبه خبرة في هذا المجال, المشكله: لقد قمت بتسلم جميع الاوراق المطلوبه للجب سنتر على وعد منه انه سوف يتكفل بجميع الامور المتعلقه بالتعديل ولم يصل لي رد حتى الان حول هذا المزضوع رغم انه مضى عليك قرابه الخمس اشهر
    اتمني الرد ........

    ردحذف
    الردود
    1. اخي الكريم تعديل الشهاده يحتاج الى استماره وتوقيعك وارسالها الى بون طبعا اذا كانت شهاده جامعيه اكثر من ٤ سنوات
      اما شهاده معهد فترسل الى دوسلدورف وايضا تحتاج الى استماره وتوقيعك
      اذا موظف فقط قلك انا برسلهم بدون ما انت تعبي استماره وتوقع عليها فهاد الشي غلط ورح تستنى العمر كله ومارح يصلك تعديل
      اما اذا الموظف ساعدك بتعبئه استماره وهو او انت ارسلتوها فالافضل الان تتواصل مع الجهه اللي ارسلت اليها الاوراق مشان تستفسر عم وضعك او طالب برقم ملفك لانو لازم يكون عندك رقم ملفك مع اسم موظف اللي استلم ملفلك

      حذف
  45. اخي اني شهادتي علم اجتماع من جامعه دمشق اربع سنوات في الها تعديل اولا لأ وشو ممكن يكون شغلي بعد التعديل انت كنت موظف بالمدرسه

    ردحذف
    الردود
    1. اخوي كل الشهادات اللي دراستها الجامعيه من اربع سنوات ومافوق يوجد لها تعديل
      امت شو ممكن تشتغل فهي بترجع للمدينه اللي انت فيها اذا بيسمحولك تشتغل بالمدرسه او لا
      حسب معلوماتي في ناس عم يؤهلوها لتدرس بالمدارس ولكن بشروط

      حذف
  46. السلام عليكم اخوي الله يسعد مساك انا معي بكالوريا أدبي وبعدين درست معهد أعداد المعلمين بدمشق(صف خاص) سنتين في دمشق وتخرجت وبنفس السنه سجلت في كلية التربية معلم صف في جامعة دمشق التعليم المفتوح سنةثالثة درست في الجامعة سنتين فقط السنة الثالثة والرابعة والحمد لله تخرجت شو تنصحني اعدل من الشهادات وشو يفيدني وشو الأوراق المطلوبه الله يسر امرك شكرا سلفا

    ردحذف
    الردود
    1. وعليكم السلام
      اخي اميد عدل اعلى شهاده عندك لانو شهاده معهد رح تتعدل من حكومه مقاطعه وليس من مكتب التابع للوزره
      بس قدم كشف علامات المعهد والجامعه لانو انت درست فقط سنتين من جامعه
      بالتوفيق اخي

      حذف
  47. شكرا على التقرير وقرات التعليقات
    ممكن تقلي شو المتطلبات ل تعديل شهادة البكلوريا فيي Am Bonneshof 35 40474 Düsseldorf
    الشهادة مترجمة وجاهزة شو اعمل بعدين فيه اوراق ثانية لاذم اعملها ولا بس احط الشهادة وارسلها
    لاذم تكون الاصلية ولا نسخة عنها ( عندي نسختين ترجمة وحدة مع صورة عن الشهادة والثانية الاصلي اي وحدة لاذم ارسل ,
    شهادتي البكلوريا ليبية من تركيا في مدرسة ليبية هل معترف عليها هون اذا بدي اكمل دراستي الجامعية ولا فيه سنة تحضيرية وكيف امور التعديل بالنسبة لها ؟
    ارجو التواصل معي او الرد وشكرا

    ردحذف
  48. السلام عليكم اخي انا بدّي عدل شهادتي كمهندس بعتت الأوراق لبون وحاليا ناطر يجيني الرد ، السؤال بس يجي بيان المقارنة لازم ابعتوه لنقابة المهندسين ولا بصور نسخة عنو ؟! يعني هنن بيرجعوه الأوراق كلها ؟! ومشكور سلف

    ردحذف
  49. السلام عليكم
    ممكن رابط تاني للاستمارة؟ مافتح عندي

    ردحذف
  50. السلام عليكم اخي استلمت انا من اسبوع بيان المقارنة ، عندي سؤالين الاول: مشان التعديل لازم عبي كمان طلب خاص مشابه للي عبيتو مشان بيان المقارنة و لا ما في داعي لأي طلب.
    السؤال الثاني انا عاصمة مقاطعتي هي شتوتغارت بس ما ني متأكد من العنوان اللي لازم ابعت عليه الاوراق بس بظن هوي:
    Schule und Bildung
    Anerkennungsstelle
    103642 postfach

    70031
    Stuttgart
    الرجاء تأكيد أو تصحيح العنوان
    شهادتي هي اجازة في الاقتصاد قسم ادارة الاعمال من جامعة حلب.مع جزيل الشكر



    ردحذف
  51. اخي لوسمحت ممكن اعرف كيف ووين بقدر عدل شهادة المعهد المتوسط التجاري دمشق

    ردحذف
  52. السلام عليكم
    اخي انا ساكن بمقاطعة البايرن وكنت طالب سنة رابعة حقوق بالشام.قدمت على اعتراف لشهادة البكالوريا ولكن طلبو مني النسخة الاصلية مع العلم انو معي نسخة طبق الاصل ومصدقه من الخارجية والعدل السورية
    شو في حل لهالمشكلة برأيك

    ردحذف
  53. السلام عليكم اخي الله يعطيك العافيه
    اني مهندس حاسبات دارس ٤ سنوات بسوي خطواتك و بيعترفو فيها فقط ؟ يعني ما بتحتاج تعديل ودراسه ؟ وشكراا الك

    ردحذف
  54. شكرا الك ع المعلومات المفيدة بس عندي سؤال كيف ممكن اعرف عنوان الجهة اللي بقدر ابعتلها الاوراق للاعتراف بولاية بادن فوتمبرغ علما انو التقييم من بون عندي ياه وشكرا الك

    ردحذف
  55. اخي انا حاصل على شهادة معهد اعداد مدرسين لغة فرنسية من سوريا اين اذهب للاعتراف فيها والمطابقة

    ردحذف
  56. الى دوسلدورف اخي اذا دراستك اقل من سنوات

    ردحذف
  57. يعطيك العافية على مجهودك وممكن رد على سؤالي لو سمحت
    انا معي بكلوريا فنية الاليات زراعية وترجمتها وصدقتها بالبلدية وبدي ابعتها عالتعديل لوين بدي ابعتها على دسلدورف ولا كولن وشو الاوراق المطلوبة لتعديل ؟؟
    ممكن الرد لو سمحت وشكرا سلفا

    ردحذف
    الردود
    1. اذا اكتر من اربع سنوات على بون
      اذا اقل على دوسلدورف

      حذف
  58. يعطيك العافية اخي انا شهادتي بكلوريا ادبي لازم ابعتا للعاصمة مع هويتي الالمانية ؟ و الهوية الالمانية بدا تصديق؟

    ردحذف
  59. سلامات أخي الكريم انا معي شهادة سواقة عمومي للسيارات الشاحنة من تقريباً عشرين سنة كيف بقدر عدلها وهي حالياً منتهي وقتها والف شكر

    ردحذف
    الردود
    1. اعتقد لازم تذهب الى ادارة المرور في مدينتك وهنن يعدولها

      حذف

يسعدنا مشاركتك معنا